Prentisiaeth Lefel 4 Technegydd Peirianneg Sifil i Gymru – Ymgynghoriad

Overview

Trosolwg
Mae CITB wedi bod yn arwain gwaith ar ran Medr i ddatblygu ac i gynnig prentisiaeth Lefel 4 Technegydd Peirianneg Sifil  yng Nghymru. Diolch i bartneriaeth rhwng Medr, Bwrdd Hyfforddi’r Diwydiant Adeiladu (CITB), a Choleg Caerdydd a’r Fro disgwylir i’r garfan gyntaf o fyfyrwyr ddechrau ar eu prentisiaethau cyn gynted â mis Medi 2026.

O blith y colegau yng Nghymru, mae Coleg Caerdydd a’r Fro wedi bod yn cydweithio â’r Sefydliad Peirianwyr Sifil ICE), Sefydliad y Peirianwyr Priffyrdd (IHE) a chwmnïau/sefydliadau lleol i ddatblygu’r Sgiliau, Gwybodaeth ac Ymddygiadau fydd yn sail i’r brentisiaeth.

Mae’r brentisiaeth dechnegol L4 newydd sy’n cael ei chreu wedi bod yn destun ymgynghoriad allanol gyda’r diwydiant, gan gynnwys cwmnïau a Pheirianwyr Sifil.

Drwy gydweithio’n agos â ICE a’r IHE y cyrff proffesiynol sy’n cynrychioli Peirianwyr Sifil siartredig nod y brentisiaeth yw sicrhau bod prentisiaid yn meddu ar y lefel uchel o wybodaeth broffesiynol a sgiliau sydd eu hangen yn y diwydiant.

Mae fersiwn derfynol Fframwaith Lefel 4 Technegydd Peirianneg Sifil i Gymru wedi’i hatodi ar gyfer ymgynghoriad ar ei Sgiliau, Gwybodaeth ac Ymddygiadau.

Os oes gennych unrhyw sylwadau ar y Fframwaith, rhowch y rhain drwy’r ddolen uchod.
Edrychwn ymlaen at eich ymateb, eich barn, a’ch awgrymiadau.

Prentisiaeth Lefel 4 Technegydd Peirianneg Sifil i Gymru

Os oes gennych unrhyw sylwadau ar y Fframwaith, rhowch y rhain drwy’r ddolen uchod.
Edrychwn ymlaen at eich ymateb, eich barn, a’ch awgrymiadau.

Gareth Williams
Arweinydd Safonau a Chymwysterau CITB (Cymru)